2016年5月12日 星期四

❤ ┌ 遊記 ● Day 2 上引水產 ● 師大夜市 ┐│ 2014年台灣之旅 │ ❤


懶惰的我寫左Day 1 就停左
但又好想紀錄低,所以我要寫埋佢,之後先寫韓國之旅!!!

【第2天】
去旅行嘛,我跟男僕主廚就有個相同的共識

「訓到自然醒」

所以今次台灣之旅,真係叉電之旅!!
叉夠電先返香港~

起床出門的早餐就變了Lunch
一早就出發去出名的《上引水產》
雖然聽講有另一個地方都好平,但點都要去嘗試架嘛,
另一個地方就等下次再去吧~


《上引水產》
民族東路410巷2弄18號

男僕主廚帶我搭捷運到天宮站
之後就手拖手行過去,雖然都要行幾個字,
但中途遇到一間好好味既蔥抓餅店
無影到店名(真失策...),但大家睇下相片而去認吧~
味道真係仲好有印象,因為堅好味!!!

大家經過一定要試「蔥抓餅」
而且我地係咩都無加,但真係好味!!


行左大約15-20分鐘,終於到啦~


門口勁多人企係度食緊野嚕~


一入到去好凍啊!!!
都幾大冷氣。。。

腥味就好少~
因為金魚我都有去過香港既漁市場
個度既腥味係《上引水產》既幾十倍!!


嘩~嘩~嘩~見到好多海鮮~
生蠔最吸引我們!!
而且蠔係即叫即開的,不過。。。
蠔要收費,另外亦一定要收"開蠔費"

不過男僕主廚話開得麻麻,
到我食時亦覺得有點殼係蠔中。。。


之後我地再行入D 就見到好多Pack好晒既
魚生、刺生、飯、壽司、甜品、飲品

最終我地買左過分的二人早餐
過分既原因係:太多
不過我地都無浪費,全部食晒落肚
我地2個都食到捧住個肚走~


海膽既鮮甜味真係不得了!!
好好味,完全無臭味,仲有淡淡的鮮甜味,
全餐最好味、最推薦的!!
我仲一次過3層一次過放入口!!
海膽係我口腔溶化~太美味!!

生蠔有海水味,而且好creamy,但不夠肥美!!

刺生唔會切得太厚,厚薄適中,好有口感~

蝦我都好推介!!!
因為好新鮮,蝦肉有彈性,唔係鬆散的!!


之後我地就去左搭巴士
我都係第1次係台灣搭巴士
平時都係搭捷運或的士

去到西門町
又係shopping time

男僕主廚好好的~
一直好耐心咁陪我左逛逛右逛逛
全無唔耐煩,仲幫助揀boots添~

邊個話shopping 帶男朋友會買唔到野喎??
而且一齊揀仲可以多D話題添~
所以我都買到一袋二袋
有男僕主廚拎戰利品,我就仲有手可以繼續逛!!


逛街之後,就搭的士去師大夜市
師大夜市入口其實都有買衫既店鋪,亦有買文具用品既店鋪
都可以逛埋先入去食野~~


因為我都逛街逛得有點夜
所以我地快速買野食帶返酒店食!!

呢間蛋餅店真係最好味,而且熱騰騰、香噴噴添~
不過位置就唔係大街既
你只要係入口直行,第一個路口向左手邊望
係遠處就會睇到!!!
加培根加蛋加芝士~正!!


跟住回大街再行入D入D
就見到有人排隊既生煎包
「有人排隊」應該代表好味吧~~
所以我都排隊買左一份5顆!!
排隊時仲見到店員即場包添~
好新鮮啊!!


係台灣夜市都總會見到「豬血糕」
我都抵不住好奇心而買左黎食
但。。。真的不合我口味!!
試過就算啦~


係最後一晚,但都無去士林夜市
所以飛的過去行下同買宵夜
原來有D玩既檔,好似打牌、射公仔等等
都最後都買左條燒粟米
呢檔與我第一晚買個檔既味道同質感都很不同
這款燒粟米不乾身,醬汁不算好滲透入粟米!
而且粟米粒咬下去比較黏口,不合我口味!!


之後我地就一袋二袋宵夜返酒店慢慢享用!!
當然又有啤酒配襯啦~
咁先係完美架嘛!!!!哈哈~~

好啦~下一篇就帶大家去睇可愛既貓貓Cafe啦~
待續~~~


❤ ┌ 遊記 ● Day 1(Part 1) 驚慌的早上 ┐│ 2014年台灣之旅 │ ❤ 

❤ ┌ 遊記 ● Day 1(Part 2) 咖啡弄 ● 饒河街夜市 ┐│ 2014年台灣之旅 │ ❤


❤ ┌ 遊記 ● Day 3 貓咪先生的朋友 Cafe ┐│ 2014年台灣之旅 │ ❤


*自費:全屬個人意見*

希望大家可以幫我讚讚+推推這篇文章~
謝謝!!希望大家喜歡今次的分享~給我一個支持,請Like my facebook page吧~
我的facebook page:金魚自由遊 Elyse Fish

沒有留言:

張貼留言