2016年5月25日 星期三

❤┌ 去鱗日誌 ● 溫熱按摩捧捧 ◎ 增強眼睛持久力 ◎ 黑眼圈剋星 ◎ ┐│ VisoRelax │ ❤


依家既家用護膚儀器真係愈出愈專業!!
在家都做到美容院既效果~

早前出席左德國品牌B. Kettner 發佈會
介紹了2款親民價既家用美容儀,分別係:
● VisoVibe 微震淨肌舒緩潔膚儀($580)
● VisoRelax 溫熱離子眼部護理儀($690)

大家更特別邀請左資深美容治療及專業產後修身專家Karen Loke
望住Karen既身形同皮膚,你就會好相信既架啦!!
Karen即場教授我們用2款儀器以簡單又輕鬆既按摩方式。
原來清潔時都可以按摩架~~


「VisoVibe 微震淨肌舒緩潔膚儀」

採用兩段式微震動潔膚技術,有助輕鬆去除老化角質,
亦可以做到按摩舒緩作用,係識震既潔淨儀!!
有兩段震動模式,所以大家可以自行調節,
減抵皮膚拉扯,從而震出污垢,又比較傳統用手清潔得更乾淨。

VisoVibe的硅膠表面柔軟而不傷肌膚,通過抗菌測試並100%防水,
因此能於花灑及浸浴時清潔臉部及全身。


另外,有別於坊間大部分掃毛設計既潔面儀,
VisoVibe係以矽膠設計,分別有兩面,
一面係幼粒,另一面係粗粒
幼粒當然係用於面部,粗粒就專用於身體,
面部肌膚幼嫩D嘛~~
你諗諗手肘、膝蓋、腳踝既皮膚,當然最適合用粗粒!!

仲有個好處,最岩懶人!!
就係矽膠設計,唔洗換刷頭,清洗又簡單
矽膠表面柔軟,不傷肌膚,通過抗菌測試
仲要100%防水,沖涼時都可以隨時用,真係幾方便!!


而我今次就試用左
「VisoRelax溫熱離子眼部護理儀」

VisoRelax 好有來頭,今年2016年榮獲紅點產品設計大獎

以正負離子交替技術促進眼部精華吸收及滲透,
而以38-42度溫熱按摩促進積聚眼部既血液循環,
每次使用3分鐘,趕走眼睛疲勞。


一返到屋企,第一件事緊係充電啦~
VisoRelax係用USB頭充電的,充一次就可以用60次,
足夠一個月,好方便!!


而且流線形既設計,背面仲窩心的設計左一個凹位,
令拎上手時更方便固定,真係好揸手!!

訓醒就充好電,用得!!


「VisoRelax溫熱離子眼部護理儀」套裝中仲附上一支

〝眼部亮白淡斑精華〞

蘊含植物提取的活性精華,添加霍霍巴油、維他命A、
鈣離子分析和特殊配合物,對抗黑眼圈尤其有效。


精華係泵裝設計,泵咀係一個好細好細既圓圈,
而且係有角度的,令泵出精華後精華唔會殘留係出口;
我好欣賞呢個設計,因為用過有些泵裝設計就係會殘留而塞住左。


泵出後,精華就係乳白色的,
是乳液既狀態,好易推開,而且好易滲透。


聽資深美容治療及專業產後修身專家Karen Loke講
進行眼部穴位按摩法既黃金時間係睡前5-10分鐘,
輕拍眼周並進行按摩,能促進眼部淋巴循環,
有效去除浮腫,但按摩時要注意力度,
過分用力會拉扯到幼嫩既眼部肌膚,造成細紋,
到時就得不償失啦~~~~


VisoRelax溫熱離子眼部護理儀有快速升溫功能,
大約10秒就加溫至38-42度
真係好快,不過我都唔會浪費個10秒
我會先按下開關制,之後才塗精華,
** 如果會按摩時我會取多一點的精華**
而且我會點6-8點於眼周。


加溫到足夠溫度時儀器“嗶嗶”一聲就可以開始打圈按摩,
儀器頂部半圓既按摩頭係用鈦金屬生物兼容性塗層,不傷皮膚,

分半鐘之後又會再聽到“嗶嗶”一聲
咁係代表你可以轉按另一隻眼啦~

再過多分半鐘又會“嗶嗶”一聲
通知我完整3分鐘既享受完成啦~
儀器仲會自動關機添~

而且半圓固定頭好易清潔,唔會藏到污垢,
用完只需用紙巾抹抹就可以,太適合懶惰的我啦~

我自己更會於眼周6個穴位按下數秒(下圖)


除左睡前按摩,有時早上起床都會用,
因為有時起床都會眼腫面腫,就可以用VisoRelax按壓穴位消腫,
令面珠有輪廓,令眼睛精神,眼碌仔碌,
化妝後眼周肌膚都唔會乾巴巴添~

經過我一個多月既體驗,金魚眼真係精靈左好多,
望落都精神左好多,而且有按摩的日子,眼睛既持久力都增強左,
唔會咁易攰,而且肌膚幼滑左,
黑眼圈就有微微的減淡,我想仍要慢慢改善,
不過應該早D訓的話,我既效果會更好~

唔知持續使用眼睛會唔會可以同BB較量呢?


“Product are sponsored by B. Kettner 
希望大家可以幫我讚讚+推推這篇文章~

謝謝!!希望大家喜歡今次的分享~給我一個支持,請Like my facebook page吧~


2016年5月15日 星期日

❤┌ 金魚自由遊 ● 金魚初體驗 ◎ 開派對都可以挑戰健力士世界紀錄™ ◎ ┐│ 國際代糖品牌 equal® │ ❤


咁大個女都未試過自己一個企係咁大個台上影相!!
真係有D興奮架!!
謝謝PR幫我影左張咁值得紀念既相~

點解我會有咁既機會?
因為我有幸成為今次挑戰「最大規模甜品派對」健力士世界紀錄™

甜品,真係好多人都喜歡,包括我!!
我係平時都會無啦啦去買件蛋糕食既人,
雖然想食,但好矛盾地會想「好高卡路里」「好肥」
所以有時我係會節制一下自己的!!
因為甜品既材料必定含「糖分」
攝取過多糖分係會影響健康的。


今次既主辦單位就非常明白呢點,所以希望大家認識到佢地既產品
國際代糖品牌 equal®

從而展開「卡路里減半 甜味依然」低糖健康飲食!!

equal® 是超過 30 年的國際知名代糖品牌,無論是安全或是味道方面,
皆是信心的保証。而且其代糖產品經美國食品及藥物管理局 (FDA) 及
香港食物安全中心等機構認可,
無論大小朋友、孕婦及注重健康體態人士均可食用。

今次更破天荒與 Yamazaki Baking Co. Ltd. 山崎麵飽合作,
用上 equal® 的多用途健康糖推出十多款即將發售的低糖甜品。

大家看看我身上既牌「757」
就係我今次參與既編號
而手上既紙就係我既台號「135」

其實入場前已經見到好多人排隊
入到場內時真係『嘩~』左一聲
真係有好多好多人!!


活動開始啦~

首先介紹equal®首次與山崎麵飽合作,推出十多款全新低糖麵包及甜品,
糖份含量比較使用一般白糖足足低 50% 的卡路里,但甜味依然。

之後更請左山崎麵飽大師傅示範利用 equal® 多用途健康糖製作 cupcake,
製造過程簡單易學,我諗我都可以做得到!!

【Cupcake 食譜】

材料:
牛油            250g
多用途健康糖   200g
低筋麵粉         250g
發粉                    5g
全蛋               250g

做法:
1。牛油室溫軟化後加入 equal® 多用途健康糖攪拌直到淡黃色 
2。然後分 3 次加入全蛋蛋液拌勻
3。再將低筋麵粉、發粉混合過篩後加入其中攪拌直至材料均勻
4。將混合好的材料倒入蛋糕杯,放入已預熱至 170 度的焗爐,焗 15-18 分鐘即成


健力士世界紀錄™官方認證官出場啦~
表示挑戰將要開始!!!

官方認證官一出場,即時令全場氣氛變得不同,
而我就被她的氣場所吸引, 堅●覺得佢好高貴!!

官方認證官講解所有參加者都必須符合以下指示先會計算在紀錄內:
1。每人至少獨立完整品嘗一款甜品
2。所有參加者必需留係場內至少15分鐘


係講解期間工作人員開始派發每人一份4件山崎麵飽提供的 equal® 低糖甜品
我被分派到既係Tiramisu、酥皮芝麻餅、cupcake、曲奇餅。

見到甜品我就兩眼發光
不過只可眼看口勿動!!!!!
因為未宣佈開始時,係唔可以食的!!!

所以我就自拍同幫佢地影下沙龍~


我更趁機睇下其他人既款式,
都好吸引啊!!!

在活動後山崎麵飽就會將 equal® 低糖甜品推出巿面發售,
我絕對會買一點同男僕分享!!



開始前大會更幫我們千幾人影張大合照添~
唔知我係相內有幾大粒呢?


官方認證官一聲令下
大家就開始品嘗啦~

我極度推薦「Tiramisu」,又滑又香!!


係品嘗期間會有健力士世界紀錄™職員檢查我們
有沒有符合指示,真的好嚴謹架!!!


隨著花炮響聲~

我們香港人成功了!!!!

官方認證官宣佈,
『1166位參加者成功挑戰最大規模甜品派對健力士世界紀錄™ 』


亞媽,我得左啦!!!

第一次參與健力士世界紀錄™榮譽,真的好開心!!
希望之後再有幾會參與健力士世界紀錄™ 既挑戰啦!!

今次活動令我品嘗了甜度同平時差唔多,但卡路里少一半既甜品
味道同樣好味,質感一樣都係細緻!!
我都有包equal®代糖,搵男僕用佢整甜品俾我食先得!!!


“Event are sponsored by equal® & 山崎麵飽
希望大家可以幫我讚讚+推推這篇文章~

謝謝!!希望大家喜歡今次的分享~給我一個支持,請Like my facebook page吧~

2016年5月14日 星期六

❤┌ 今日魚糧 ● 法國風情 ◎ 金魚變大廚的一天 ◎ ┐│ terre d’Oc │ ❤


金魚變大廚的一天
其實我自知我既廚藝不如男僕及我家太后
由細到大我對下廚都不太感興趣
但當有了男朋友,就會引發起女生整野食既決心!!

我亦都係因為愛情而開始了整甜品、蛋糕
不過我都只限簡單甜品
再複雜D既話,我就唔識架啦~


咁岩Miss Tiara 有個活動係教整甜品
即時就吸引到我啦~
因為整完野可以唔需要洗野
又可以借機當小小心意送俾男僕
一舉兩得!!!!
(我真聰明~哈哈!!)


今次去左位於觀塘既 Cooking Fever
位置都幾方便,幾近MTR station~

**每次出席活動最開心都係同朋友們聊天自拍**


好啦~講返今次主題先 → →
其實係法國有機品牌terre d’Oc
terre d’Oc 係一個來自"浪漫"代表的國家法國
呢個品牌對有機及大自然都有一份執著,
就係呢份堅持令產品能夠帶俾用家感受得到大自然真實而富饒的美!

以呢個理念創作出多類型產品:
家居香氛、異國有機茶、天然彩妝、面部及身體護理等不同系列

今次就用異國有機茶製作甜點


今次所製作既係《迷你伯爵茶銅鑼燒》

材料:
雞蛋                        2隻
砂糖                       70克
蜜糖                     1湯匙
低筋麵粉              130克
terre d’Oc 伯爵茶葉   3茶匙
泡打粉               1/2茶匙
鮮奶                  100毫升
紅豆蓉                    適量





做法:
1。鮮奶用奶鍋加熱,放入茶葉浸泡至少15分鐘
用茶隔隔去茶葉,備用
2。雞蛋打發,分2次加入砂糖打發,然後加入蜜糖打發至稠身
3。將(1)的牛奶加入已打發好的蛋漿
4。篩入低筋麵粉和泡打粉輕手拌勻
5。粉漿包上保鮮紙放置30分鐘
6。用小火燒熱平底鑊,用廚房紙抹上薄薄一層油
7。用湯匙加入適量粉漿成圓形
8。煎至出現氣泡並有一半破開,才翻轉另一面煎10秒
9。將其餘蛋漿煎成銅鑼燒待涼後,放上適量紅豆蓉即可享用


今次我既製成品都算似樣吧~
係有點唔夠深色!!!
我自己試食時就覺得甜左一點
不過茶香都聞得到的,我覺得可以再濃一點茶味,
可能放多一點茶葉或浸耐一點時間,效果會更好!!



同場更有另一批朋友製作另一款甜點
《杏桃菩提花士多啤梨花果奶酥餅》

我覺得好好味,而且茶香濃郁,微微的鹽味,好鬆化!!
所以朋友都請左幾粒俾我!!


材料:
中筋麵粉            125克
糖粉                     38克
無鹽牛油             88克
terre d’Oc 杏桃菩提花士多啤梨花果茶  2茶匙
海鹽                1/4茶匙

做法:
1。中筋麵粉過篩,備用
2。先將牛油放置室溫,待軟化後加入糖粉攪拌至均勻
3。茶葉用電動攪拌器打碎,加入麵粉,用匙羹拌勻
4。將加入茶葉的麵粉分2—3次加入(2),
輕手以「刮刀和鋼盆底部」相互按壓方式
慢慢地混合成無粉粒糰狀
(勿過度攪拌,避免麵粉產生筋性而影響餅乾口感)
5。將麵糰放進一塑膠袋中,用手揉成均勻麵團,
轆至圓柱體(大約1吋),放入雪櫃30分鐘
6。焗爐預熱160度
7。用刀切片,放上已舖好牛油紙的焗盤
8。以160度焗20分鐘至餅邊至金黃色
9。最後,放置網架上冷卻,即可享用


金魚變大廚的一天就結束啦~
大家喜歡就可以跟住食譜去做~

terre d’Oc 最後就送左茶葉同香氛噴霧俾我回家慢慢享用,
茶葉唔係只供飲用,仲可以食用,而且有好多種做法既!!

茶葉帶到回家,男僕話做茶味既軟糖都好好味!!
下次再與大家分享男僕教我既軟糖做法吧!!!


“Product are sponsored by terre d’Oc”
希望大家可以幫我讚讚+推推這篇文章~

謝謝!!希望大家喜歡今次的分享~給我一個支持,請Like my facebook page吧~

2016年5月13日 星期五

❤ ┌ 遊記 ● Day 3 貓咪先生的朋友 Cafe ┐│ 2014年台灣之旅 │ ❤


今日係三日兩夜台灣之旅最後一日啦~
所以男僕與我再次去飯店樓下再回味一下
【鮮芋仙招牌】

真係好好味!!
依家想再去食呀!!!


之後就搭捷運去忠孝復興站三號出口去我好想去既

不過因為我地之後就會搭巴士去機場
所以就係捷運站既客服站退「悠遊卡」
當中會收取NT$20手續費
退卡過程係超快,1分鐘內就完成!!


之後就出發去 貓咪先生的朋友 Cafe
外表已經好有特色,經過一定認得出!!
我仲問男僕:
● 出面架單車唔知會唔會踏得呢?
●  個郵筒寄唔寄到信呢?
哈哈~


入到去就可以隨便坐,店員就會遞上餐牌
餐牌有好可愛既貓貓
令我第一時間唔係睇有咩食,而且影左相先~



點餐後我地就欣賞環境同埋跟貓貓玩~
我最喜歡就係下圖既黑板
好有特色,而且感覺好舒適!!

不論入口、門口、牆壁都有貓貓既踪影
身邊仲有真實既可愛貓貓圍繞著~



男僕仲係紙箱內搵到隻細小害羞既貓貓
但好黏男僕!!!
一直黏在男僕身邊。。。

貓咪,你咁樣我會呷醋架!!!
男僕仲要好溫柔咁幫佢按摩添加!
2位完全不理我既存在。。。



個日我就見到4隻貓貓,有肥有瘦,
有可愛樣子,亦有兇惡樣子,
最肥個隻感覺仲好威嚴添~

每隻貓咪都各有特色!!



玩左陣貓咪,食物就黎啦~
首先黎2杯拉花Latte
唔會勁濃咖啡味,所以我都飲得到!!


酥炸起司條
熱騰騰好好味啊!!!
而且呢款芝士係可以咬住拉長的,
好好玩,芝士味又香濃,
如果唔係太飽既話,我一定叫多一份!!



最後仲有個大大的鬆餅
呢款係季節限定,每季都有不同的!!
根本就係相機食先既外表
我覺得鬆餅有點乾!!不過就認真飽肚~


之後男僕就揹著我們的所有行李帶我去搭巴士去機場
男僕既背影好Man啊!!!!



最後在機場食麵就返香港嚕~ 

今次係男僕與我第一次去旅行
係最難得美好既回憶
而且經過今次旅行,發覺男僕既脾氣真的好好!!
係可以一齊去旅行的人啊!!!


❤ ┌ 遊記 ● Day 1(Part 1) 驚慌的早上 ┐│ 2014年台灣之旅 │ ❤ 

❤ ┌ 遊記 ● Day 1(Part 2) 咖啡弄 ● 饒河街夜市 ┐│ 2014年台灣之旅 │ ❤


❤ ┌ 遊記 ● Day 3 貓咪先生的朋友 Cafe ┐│ 2014年台灣之旅 │ ❤



*自費:全屬個人意見*

希望大家可以幫我讚讚+推推這篇文章~
謝謝!!希望大家喜歡今次的分享~給我一個支持,請Like my facebook page吧~
我的facebook page:金魚自由遊 Elyse Fish