2015年10月16日 星期五

❤ ┌ Restylane ● 如何令裡裡內內都擁有水漾 ┐│ Face it│ ❤


大家應該已經感受得到天氣的轉變
肌膚開始有反應、覺得乾吧?

今次由Face it 舉行了「水漾透肌專家 全方位保濕系統」活動
令大家了解如何令我們裡裡內內都擁有水漾
愛美的我, 首先當然係注重面部, 見人很重要,
而且我的目標是【素顏都要美!素顏都要見得人】


Restylane Skinboosters 皮膚活化劑就可以幫助肌膚底層保濕
以長效而微細的透明質酸直接注入肌膚底層
即時注入, 即時做到補濕, 透明質酸逗留在肌膚一舨段時間
就像一直敷著補著面膜般, 肌膚水漾、水噹噹的
同時改善肌膚水油平衡, 改善膚質。

Face it 會根本不同肌膚需要而選用不同的Restylane Skinboosters 皮膚活化劑
● 傳統保濕針 Restylane Vital Light
● 韓國水光槍配合 Restylane Vital

以下就是兩者的不同↓ ↓ ↓ ↓ ↓ ↓ ↓ ↓ ↓ ↓ 


Restylane Vital 分子比較Restylane Vital Light分子密度高一點
我更現場親手嘗試觸摸到其分別
下圖明顯看到Restylane Vital 推開後仍然是比較濃實
而Restylane Vital Light推開後就比較水


Restylane Vital Light


傳統保濕針 Restylane Vital Light 單一著重於補濕
而且要人手一針一針注入
而韓國水光槍配合 Restylane Vital 可加入其他針劑
更以精密的5針儀器及真空吸啜技術將針劑均勻地注入肌膚之中
注射過程縮短好多, 亦能控制注射位置及入針的深淺程度
而且更有效、準確地改善肌膚。


講完外, 就到內服啦~~~~
Face it 邀請到 ARCTIC Beauty Pearls 的代表介紹
Lingonberry Seed Oil 越橘籽油
來自北極, 蘊含豐富的 Omega 3 & 6 脂肪酸
每天只需服用1-2粒, 建議在晚餐後服用
臨床證明服用後對皮膚有良好的幫助:
補濕、彈性、粗度、皺紋、密度、皮膚斑點



而且內服還有好處, 就是改善的不止是面部
而是整體, 就連身體都能改善!!!!!!


當天大會更邀請了陳嘉桓小姐來
真人又高又瘦, 而且皮膚都好好啊!!!
有自然的光澤感, 肌膚好緊緻水嫩!!!!
原來她已經做了韓國水光槍 Restylane Vital
她說療程後會有點微紅, 而翌日就可以照常化妝工作, 好方便!!!
重點係我真人看到她, 毛孔都好細小, 令我好羨慕啊~~~
我都好想快點嘗試到韓國水光槍 Restylane Vital!!!!!


“Event & Skincare are sponsored by Face It

希望大家可以幫我讚讚+推推這篇文章~
謝謝!!希望大家喜歡今次的分享~給我一個支持,請Like my facebook page吧~

2015年10月11日 星期日

❤ ┌ 食評 ● 特色酒味Cupcakes ┐│ Island Cupcakes │ ❤


甜點一直都是女生愛好
心情好會食, 心情唔好都會食
今次收到Island Cupcakes的特色酒味Cupcakes
感覺好似想將Cupcakes 打入男生圈內
試試以上2款Cupcakes先~~~


因為是酒味Cupcakes, 未食先聞一聞
真係有點酒味, 但亦有crema既甜味。

Whiskey A-Go-Go - Whiskey and Coke Cupcakes 威士忌蛋糕
城中人士狂搶威士忌,何不以威士忌酒心蛋糕作配搭?
以威士忌製造。


蛋糕中加入左濃濃重味既威士忌
令cupcakes不再只係女仔喜歡既甜味
增添一份成熟既味道
令男士都被受吸引。

整體口感充滿威士忌同牛油香味
不會互相衝突之餘
仍然能突出彼此獨特的味道。


[HIT!] City Girls’ Delight – Cosmopolitan Cupcakes 城女最愛
性感的Cosmopolitan加於蛋糕之內,最適合一班姊妹聚會、準新娘派對,
或是在一天辛勞後獎勵自己。以伏特加及Triple Sec製造。


無論係蛋糕中或忌廉中都加入左Vodka
忌廉更加入果皮,令甜甜的忌廉帶上一點點清香
而蛋糕偏甜少少,為了中和酒的苦味吧
比例需要拿揑準確先做到的效果。
不過蛋糕咬下去比較黏口,這樣的質感我不太喜歡!!


“Product are sponsored by Island Cupcakes”
https://www.facebook.com/islandcupcakes20151?fref=ts

希望大家可以幫我讚讚+推推這篇文章~
謝謝!!希望大家喜歡今次的分享~給我一個支持,請Like my facebook page吧~

2015年10月8日 星期四

❤ ┌ 食評 ● 地方寬敞,lunch set有好多選擇 ┐│ 奧壽司 Oh Sushi and Tappas │ ❤


其實我係數碼港返工都有2年啦,好多食肆都食過,
但一篇食評都未寫過,就襯我要離開前一個月,
慢慢分享俾大家睇下數碼港食肆既優劣。 
我太中意食野啦,日本野當然都包括在內chopstick,同事們帶我黎食,
對於人工低的我來說是有點貴,所以唔常食,
但我真係喜歡這間奧壽司既lunch set。 
有便當及定食選擇,今次擇左「魚生粒飯定食」,
切粒就平d,低級職員的我當然揀平d個款啦,
但刺生都好新鮮架,而且好豐富,整個set有魚生粒飯、沙律、麵豉湯、
仲有一碟唔知係咩既小食,好似係漬物蘿蔔吧~ 
其實擺放得幾靚,加左蛋絲,顏色都豐富晒,
而且份量剛剛好,魚生都算新鮮,而且有好幾款魚生,
有足夠既款式。沙律加左早餐片真係唔錯架wor。
我推薦呢間大家去食,真係唔錯

奧壽司 Oh Sushi and Tappas
薄扶林數碼港100號數碼港商場307號舖

Openrice Link:

希望大家可以幫我讚讚+推推這篇文章~
謝謝!!希望大家喜歡今次的分享~給我一個支持,請Like my facebook page吧~

❤ ┌ 食評 ● 醬汁不得不試 ┐│ 18巷泰國餐廳 Soi 18 Thai Cuisine │ ❤

泰國野其實我都幾中意食,尤其是生蝦,
我每次去親泰式餐廳都一定會order的,
今次朋友就帶我去食泰式lunch ,朋友對我真好!


泰式生蝦,有蒜片及辣椒,加上酸辣的醬汁,紅椒比青椒辣架!
生蝦好彈牙,捲埋一齊食一流


泰式鍋巴我覺得好有口感,香脆鍋巴+清甜青瓜片+少少肉,
而最重要都係個醬汁,加埋落去要即食,
咁樣鍋巴就可以keep住香脆入口!!


炭燒豬頸肉,燒得外脆肉軟,豬頸肉燒得岩岩好,仲好彈牙!
而且沾上秘製醬汁,味道提升不少


我建議大家將醬汁mix埋糯米飯食,你就知個秘製醬汁有幾正!


燒牛扒都有配秘製醬汁正! 而且燒得好岩我,因為紅紅的5成熟,仲好juicy。


第一次食既菜色,叫「泰東北包魚吃」 
呢條魚名我都係第一次聽叫「荀殼魚」 食落都幾嫩滑,
而且係大骨魚,最岩我怕食魚骨既人。 而點食呢?
其實名都講得好清楚,就用附上既生菜包晒魚肉、粉、辣椒、醬汁一齊食,
好有特色,不過會食得有點無儀態,儀態我就無乜,所以隨意食,哈哈!!
係幾好味既,不過略嫌生菜唔夠食! 
呢間餐廳既醬汁真係做得好好,大家一定要試下撈飯食~

18巷泰國餐廳 Soi 18 Thai Cuisine
銅鑼灣告士打道280號世貿中心1302B室

Openrice Link:

希望大家可以幫我讚讚+推推這篇文章~
謝謝!!希望大家喜歡今次的分享~給我一個支持,請Like my facebook page吧~

❤ ┌ 食評 ● 豐富既一餐 ┐│ 掌壽司 Tenohira Sushi │ ❤

同一班好朋友行完街搵嘢食,有位朋友帶左我地去食。


一上到去,地方超級既寛敞,環境舒適,燈光柔和,
整間舖設計得比較現代,周圍都掛滿畫,好有特色。


一坐低就有小小既前菜,檸檬蕃茄漬,酸酸甜甜,岩哂我仲意食酸既食物。
一邊食住前菜,一邊有個超好笑容既侍應招呼我地,介紹今日有咩新鮮特別既菜式。


一開始嗌左個池魚兩食同刺身拼盤,條池魚夠哂新鮮,無魚腥味,夠哂鮮甜。


池魚頭同骨就拎左去煲面豉湯,鮮味溶左落湯入面,啖啖都充滿魚味,但係偏咸左小小。


食完個刺身剩低左啲牡丹蝦頭,個侍應好好人咁問我地試唔試下炸蝦頭。
點知一試就停唔到,整個蝦頭炸到酥酥脆脆,
蝦膏加熱左更加香味十足,好似係到食零食咁。


跟住上左個牛油厚燒牛脷,一上枱已經好濃既牛油味,再加上一啲菜粒,同牛脷好岩味。


見餐牌一個幾得意既菜式,櫻花蝦鰻魚玉子卷,原來櫻花蝦超細隻,
但係依然有好強蝦味,一啖就成口都係蝦既香味。


最後加多個鰻魚飯,由於我地成班都係女仔,個侍應一落枱就同我地講,
啲碗碟好熱架,唔好掂呀,感覺上好窩心。
而鰻魚都算得上彈牙,加落個飯都幾好食 。


最後第二個胃出動啦,原個日本空運到港既芝麻波波雪糕,
加上心太軟。完全滿足架一餐。


掌壽司 Tenohira Sushi 
觀塘開源道60號駱駝漆大廈第3座5樓U室

Openrice Link:

希望大家可以幫我讚讚+推推這篇文章~
謝謝!!希望大家喜歡今次的分享~給我一個支持,請Like my facebook page吧~


❤ ┌ 食評 ● 本身好味,mix埋更好味 ┐│ Small Potato Ice Creamery │ ❤


蕃薯派對用上日本紫薯配上用北海道3.6牛乳而成既雪糕,
加上綠茶蕨餅,日本原粒蕃薯仔,紫薯粉,紫薯蓉,白玉。
白玉本身帶有少少清甜,咬落煙煙靱靱,幾得意。
而紫薯雪糕比較上偏甜,加上紫薯蓉令蕃薯味更濃厚、
更能令紫薯味停左口裏,但要一個人食光一杯會比較膩。


另外點了杯白銅鑼,原來係一杯用沖繩海鹽和3.6牛乳而成既雪糕,
配上 日本蕃薯仔,紅豆錎既銅鑼燒,杏仁片。
雪糕帶有好深厚既鹽味,但又不太過既咸味,杏仁片補上口感既不足,
令整杯整體完成度較高。當兩杯混合再嘗試時,
發覺海鹽中和紫薯雪糕 既甜,而紫薯令海鹽雪糕更順口,
建議可以點一杯混合類,這樣我多多都食到


Small Potato Ice Creamery
銅鑼灣希雲街28-30號地下

Openrice Link:

希望大家可以幫我讚讚+推推這篇文章~
謝謝!!希望大家喜歡今次的分享~給我一個支持,請Like my facebook page吧~

❤ ┌ 食評 ● 咖喱好味,但雞好鞋身 ┐│ 易牙妙手 Fishball Affair │ ❤


一入到易牙妙手,地方不算大,但都坐得幾舒服,一坐低就有杯茶遞上


我一睇就唔係睇餐牌,而係睇到台上的水牌,好得意既咖喱吐司,

外表好似台灣既棺材,吸引到我order,哈哈XD 我就係中意睇外表。


呢款食物係有雞肉同魚柳選擇

我今次就揀左雞肉。我本身以為只係一個棺材,

點知仲會有一籃吐司,應該係係包度切出黎的。
這款食品製作時間會耐d,同行朋友order既食物都上晒台,我order的就最後先到。



打開蓋,芫荽點綴左,外表靚仔晒!

整個棺材麵包上台時是熱的,幾好!附上刀叉羹,方便我食用。

咖喱係日式的,味道甜甜的,不辣的,好岩一家大細食,
不過雞肉就好鞋身,煮得過火,不過麵包就好鬆脆,配合埋咖喱真係好好味!

易牙妙手 Fishball Affair

銅鑼灣記利佐治街1號金百利廣場5樓R1號舖


希望大家可以幫我讚讚+推推這篇文章~
謝謝!!希望大家喜歡今次的分享~給我一個支持,請Like my facebook page吧~

2015年10月6日 星期二

❤ ┌ 開箱文 ● 勁吸引我的靚靚 Swarovski 美肌手機┐│ Sugar 2│ ❤


我和 Sugar2 的約會
Sugar2 約左我去我一直都想試的Cafe
真係好開心啊!!!!!


仲可以與我的好友一齊來個Afternoon Tea
真係一個開心的下午茶時刻!!!!


一打開個盒, 嘩~嘩~嘩~嘩~嘩~嘩~嘩~嘩~嘩~
好靚呀!!!! 真係好吸引眼球呀~~
所以呢個水晶般既蓋子我當然收起, 用黎影下產品啦!!!


先來看看Sugar2 基本規格:
作業系統:Android 4.4.4 KitKat
屏幕:5.2吋sAMOLED(1,920 x 1,080)
鏡頭:1,300萬像連補光燈(後置)、800萬像連補光燈(前置)
處理器:MediaTek MT6752
記憶體:2GB
儲存容量:16GB(支援128GB microSD卡)
電量:2,600mAh
體積:147 x 74 x 7.8mm
重量:120g


打開靚靚蓋子就係Sugar2啦~~~~~~
香檳金色, 高貴又優雅, 最岩俾我扮下淑女XD

我手細腳又細, 朋友都知, 所以我用電話真的真的不能太大部
Sugar2 採用5.2吋螢幕, 比我之前個部細D
機身厚度只有7.8mm, 而且好輕身120g
所以對我的小手黎講算係適合既size!!!!!

對於我男朋友黎講就叫細啦~哈哈XD


最令女生尖叫既當然係Sugar既象徵SWAROVSKI寶石啦~~~~
全框鑲嵌左136顆SWAROVSKI
黑夜燈光下勁閃、勁靚呀!!!!
日光下都好夠閃, 係勁多野既手袋中都可以好快見到Sugar 2
如果你用放大鏡睇, 就會見到每一顆寶石都有刻有
SWAROVSKI ZIRCONIA防偽鐳射標籤
保證全部寶石均源自奧地利!!!


再揭多一層就會見到閃令令既耳筒, 同部Sugar2 襯到絕呀!!!!
咁當然仲有基本配件充電線及插蘇!!!!


不過Sugar 2 就連插蘇都靚過人 - 以鑽石形設計


Sugar 2行Android系統, 即係我平時用開, 所以我好快就上手, 非常易用
不過我D相、Phone List、whatsApp history點算呢?
Sugar 有個貼心最適合我這個電子白癡 - 「男朋友服務」
是 Sugar 免費服務, 可預約時間上Sugar公司, 個別教授及幫我解決電話過檔問題。
接有Sugar男朋友幫我搞掂, 舊機換新機就話咁易啦~


女生一拎起電話...當然試左影相先啦~~哈哈!!!!
而且仲要係自拍先, 女生自拍是習慣!!!!
前置鏡頭對對我黎講真係好重要, Sugar2 前置有800萬像
光圈更大至 F2.0, 而且前置自拍都有配備LED補光燈
處理光暗表現重勁過後置主鏡頭。
(以後暗既地方自拍都有燈啦~)
主鏡頭為1,300萬像素, 配有 OIS 光學防手震 F2.2 特大光圈鏡頭。


Sugar 2重提供「專業模式」, 可以手動調校快門速度、ISO、曝光補償、白平衡等。
除了專業模式, 仲有「一鍵美顏」拍照功能
拍照時同處理去眼袋、 去眼袋、 大眼、 瘦臉、 亮眼、滑膚美白等效果。
這項功能大愛呀!!! 大家都係女生, 你們懂我的意思的XD


Sugar2自拍真係靚好多, 同一角度,同一光線, 同樣有美肌
影出黎真係有好大對比, 而且sugar2自拍後識反轉返張相, 顏色都好紅潤自然♡♡♡
我諗唔洗我講大家都知邊部係sugar2既自拍相啦!


*上圖左係三鬆, 右係Sugar2*
而且開頭每次睇相都覺得靚過其他機, 而且係Sugar2睇相與電腦睇相時
電腦竟然暗D, 原來係因為Sugar2 用了Super AMOLED 材質鏡面
所以色采顯示得更鮮艷


*上圖左係Sugar2, 右係蘋果*
用上 SuperAMOLED 芒既 Sugar2 屏幕偏冷。

*下圖左係三鬆, 右係Sugar2*
如果上網睇相時, Sugar2 都係靚D架!!!
希望今次篇文幫到大家更了解Sugar2 與其他手機有咩分別啦~


“Product are sponsored by Sugar”

希望大家可以幫我讚讚+推推這篇文章~
謝謝!!希望大家喜歡今次的分享~給我一個支持,請Like my facebook page吧~