2014年12月4日 星期四

❤ ┌泰越印┐ ││Sun Thai Restaurant 新泰東南亞餐廳 ❤


近期講食真的比較多, 因為年尾真的多人生日,
再加上會相約朋友共進晚餐,
食文自然就會多左啦~~哈哈!!!!

有時朋友都會覺得我煩架, 因為我都係「相機先食」的人!!!
今晚就去左係灣仔既
【Sun Thai Restaurant 新泰東南亞餐廳】
這間店有泰式、越式、印度菜

食泰國野又點可以唔order冬陰功呢?
真的用上大頭蝦去熬的, 真實睇是湯而是泛紅油的,
唔知點解相機影出來就看不到...
辣味酸味都有, 仲有香茅味, 正!!!!
不過辣味是比較濃, 而且這個湯係飲左落肚,
辣味才會慢慢的滲出!!!
所以大家要小心品嘗啊~~


椰青是一定要飲的!!!!!
總之食肆有我都會order, 最喜歡飲完仲可以食埋果肉!!!


「生蝦」是每次去食泰菜一定會order試試的
今次都不例外, 生蝦外表好新鮮, 肉質爽口,
加上蒜片、辣椒、檸檬汁及蘸上酸辣汁真的好好味!!!!
我想再order多一碟!!!!!!


軟殼蟹是我喜歡的食物, 以越式米紙卷制作口感不錯, 
而且咬下去不是乾爭爭的, 而是帶點汁,
整體是很好味, 不過香芒就好像少了點!!!


「蛹蝦」是今年10月的新品
炸出來外表幾吸引的, 泰式炸物當然會蘸上甜酸醬,
咬下去脆卜卜, 而蝦仍然彈牙, 好好味!!!
這款小食會令人食完想再食!!!!


「燒牛仔骨」及「蜜糖燒肋骨」2者都似的,
而且都是蘸同一款醬汁, 肉質keep住嫩滑同時鎖住肉汁,
咬下去好Juicy!!!!
不過如果想易咬及可以啖啖肉的話, 當然揀燒牛仔骨啦~


紅毛丹是泰式飲品必有的,
而用來煮食就少見(但我家媽媽就經常在菜色中加入生果)
所以我都預計到味道如何, 加入紅毛丹菜色變得更Juicy,
而且帶有生果甜味, 好惹味!!!


這是窩心的菜色, 因為星斑己切好一件件炸,
不用大家撕開, 食得更方便!!
印度酥餅更是美味~~


香芋焗飯比我想像中好味, 而且熱呼呼的芋頭真的好美味,
值得一試~~


不得了的蒜蓉炒貴妃苗, 我整餐反而最深印象就是這菜式!!!!
貴妃苗纖幼而好清甜!!!這是一定要食的!!!


最後來個甜品拼盤就是完美的啦~~~

值得一提的是原來這店有K房!!!!
好適合一班朋友狂歡~~~~


Sun Thai Restaurant 新泰東南亞餐廳

灣仔軒尼詩道318號W Square二樓

沒有留言:

張貼留言