2013年9月29日 星期日

❤ 細膽鬼「輕量級驚喜之選」之鬼屋篇(一) ││海洋公園哈囉喂全日祭 ❤


先來個輕量級驚喜之選的<<M&M'S®走鬼大逃亡>>

一眾M&M’S®朱古力實行要大走鬼逃到香港,
無路可逃下躲入一座荒郊古堡避避風頭,
以為走得甩時偏偏撞正城主科學怪人約埋鬼界老友開萬聖節派對,
唯有在詭異古堡中同人類和魔怪大玩鬥智捉迷藏!

在出入口會有搞鬼M&M’S®朋友,
影張搞鬼大合照就可以有M&M’S®定驚朱古力!!



入去古堡揾齊五隻好味招積的M&M’S®老友,
不過小心科學怪人同其他鬼怪朋友突然現身,送上好「嚇」驚喜!



今次真的是我第1次入鬼屋可以影相,這真是難得的體驗!!
我還記得一入去我就嗌了...
即時被嚇親,簡直就是零秒擊倒KO左...


可以入去影相當然要放部分場內環境給大家看啦~
真真實實的入去,其實同入鬼屋無分別,
只是我們被嚇後有點時間可以拍一下照片!!

講真其實仲驚!!
因為平時入鬼屋嚇親後可以快速逃跑,
但今次嚇親後無得逃,仲要冷靜下來拍照,
但在拍照同時鬼鬼可能再嚇倒我...=.=
我太易嚇親...

再重申:我是又怕又要玩的人!!


我仍好記得他,因為見到佢時明明很遠,
但又快速地在近距離嚇倒我...


在鬼屋中,大家會看到五隻好味招積的M&M’S®老友
看到女鬼後嗎???


仲有合襯靚鬼鬼情侶一同嚇壞你!!


看到這鬼異的綠色道路,心臟即時快跳動,
突然女鬼現身,即時想調頭走><
這裡路很多,就要看看你懂不懂逃亡啦~~
如果唔係就會一直在行..行..行..


第2個輕量級驚喜之選<<南瓜怪傑工作室>>

齊齊探索南瓜怪傑的神秘庭園,
揭開屢獲殊榮的雕塑大師Ray Villafane 將南瓜變成怪異雕塑的絕密過程!

如果大家日頭好熱去這裡都不錯,因為有冷氣,
而且唔算太驚,小朋友一定接受得到!!



同行的小朋友一點都不怕,
仲扮鬼反嚇大家!!


唔知大家認唔認得上圖的南瓜雕塑是哪位呢?
無理由唔識,大家覺得似唔似呢?
我就覺得超似啦~~~


走入擺滿巨型南瓜頭的華麗大客廳,再到南瓜溫室,
原本我看到這麼大的南瓜我真的以為是假的,
點知原來這裡的南瓜全都是真的啊!!!
嘩~嘩~嘩~南瓜可以有咁大架!!

我站在隔壁時,它看似大過我啊!!
不過它一定重過我!!!



工作室中更有一大班表情生鬼的南瓜精靈扮鬼臉鬥趣怪,
盡情投入橙色南瓜世界!



當日更看到雕塑大師Ray Villafane即場雕塑
只要用下圖的4款工具大家都可以製作出自己的南瓜雕塑!!


工作室的隔離就有一個給大家製作南瓜雕塑的地方,
只要入場買下一個南瓜就會有工作人員教大家如何使用製作南瓜雕塑,
看看周行小朋友相當認真的雕,而且她們都玩得很開心!!

大家不妨雕一個作紀念,同時考考大家的創意!!


我就直接帶個南瓜公仔回家啦~~~~
下篇就是大膽鬼啱哂的「大膽級激嚇之選」
準備好健康的心臟再上路吧~~



*活動由海洋公園提供

希望大家可以可以幫我讚讚+推推這篇文章~

謝謝!!希望大家喜歡今次的分享~給我一個支持,請Like my facebook page吧~

我的facebook page:~ ELYSE ~ ALL ABOUT ME  https://www.facebook.com/pages/-ELYSE-ALL-ABOUT-ME/134541193289995


沒有留言:

張貼留言