2011年2月18日 星期五

與眾不同的情人節~Happy Birthday To Me



情人節對於我來說是有雙重意義的,
1)情人節 & 2)My Birthday
記得細個時的生日蛋糕都是情人節蛋糕...明明人地生日嘛...
做乜只賣情人節蛋糕wor!?
仲要好難出街同家人搵地方慶祝食飯tim~所以通常都係家中慶祝,
不過上年就犀利lo~大年初一 x 情人節 x 我生日!!
唔洗搵地方, 唔洗買蛋糕, 團拜渡過!!!

今年終於變回平常 - "情人節 x 我生日"
有男朋友的時候 :
1) 明明自己生日仲要諗男朋友的禮物...
2) 明明自己生日仲要夜麻麻整朱古力...同好多女孩子在二德惠迫...
or
同好多女孩子迫住搶購朱古力
不過亦都有開心事 :
1) 個個都係情人節同我講生日快樂
2) 讀書事就算同學當天才記得我生日都可以隨手送我朱古力...哈哈...

今年是我第1次DIY自製朱古力, 之前都是買的!!
1) 可幸在13號看到大家的blog有介紹自製朱古力
2) 可幸13號是星期日, 有時間買料
3) 可幸13號二德惠是會營業的
4) 有朋友的提示幫忙(因為我真的唔係好識整)
5) 有細佬陪伴, 真是乖仔!!!

我是唔整就算, 決定整就一定要我感到滿意,
先由揀盒開始, 就算要心形盒都要揀顏色, 大小, 外表!!!


朱古朱不想只有朱古力, 好dry啊!!
所以買了榛子醬加入中間, 再買點杏仁粒擺面, 增加口感!!


不過我心裡不是只有男朋友, 還有家人,
這就是留給家人的情人節禮物!!!


情人節妝容 :
點講今天都是情人節, 要做好女朋友本份,
點講男仔都唔中意濃妝厚粉的,
所以用淺啡e/s, 不過eyelash不能少, 因為眼睛真的大好多!!
不過最重要都是1個 "粉嫩咀唇"


情人節當天的SWEET過程 :
男朋友明明話今年無花收的, 所以我根本沒有抱一絲希望,
點知在我剛剛化妝時(time: 9點幾 place: office)
"有花收呀!" 心諗 : 不是我的...><
點知原來是我的, 送花位女士仲叫我全名tim...哈哈!!
好開心!!! 第1次咁早收花, 都未真正訓醒啊!!!


講真的自己生日嘛, 真的不是太想返工,
所以請了半天假, 給自己的禮物!!!

等到男朋友都收工後就去食dinner,
不過因為無book台,
去了好幾間食肆才有位食dinner!!


Pancake Colours Cafe & Bar
CWB金百利中心4/F
有燭光啊~燭光真是營造浪費氣氛的好東西!!!!


我們揀了Vanlentines Set
湯 : 法式牛尾燉清湯配意式菠菜芝士雲吞
好味, 男朋友讚!! 雲吞不會因有芝士已蓋過菠菜味,
湯真的算清, 不過仍然好飲!!

頭盤 : 1) 日本刺身帶子配玫瑰波蛋汁
帶子鮮甜, 不過放在上面的紅色絲就麻麻了, 硬硬的!!
2) 黑魚籽鮮吞拿魚他他
吞拿魚刺身甜甜的配黑魚籽正!! 而且隔離心形甜蛋, 甜度適中!!
3) 法式煮焦糖無花果
清甜口味, 清新, Good!!


Maincourse : 澳洲穀飼M5和牛扒配西西里海鹽及黑松露醬
超水準啊~我同男朋友一致認同勁好味!!!
廚房應該煮至6~7成熟, 切開仲見到紅紅的,
不過一點都不un, 很柔軟, 配合黑松露醬好味,
而且值得一讚是配料都好正, 薯條真的不懂形容, 不像M記, 亦不像茶記,
不過真的外脆內軟, 甜蕃茄浸過糖水, 味道適中,
和牛扒點蕃茄汁都勁配合!!!
好正好正的Maincourse~


而且仲有男朋友切埋, 喂埋, sweet~


甜品可以在meau任揀, 好多款的!!!
不過甜品就遜色了很多,
其實都算合格私, 只是我對甜品的要求高了,
所以才會覺得麻麻...


之後想睇戲, 但無我想看的戲, 就去我和他近期愛玩的地方玩 - 篤波
我們搭叮叮去篤波的地方,
不過叮叮車程較長, 所以我們又來自拍自娛一番!!
花花近鏡仲靚tim~


男朋友自娛中~ "山頂既朋友你好!"
哈哈!!!


2人玩耍中~
我還是很初階的, 不過開始有姿勢, 篤直線都ok, 不過無乜力....
2個人玩完全唔計分, 有時我仲要篤唔到個波再篤多次,
篤唔到我想篤的又要他將球擺回原狀tim~哈哈!!!
2個人玩就有這個好處!!! (我很狡猾呢...嘻嘻!!)


今年的生日 + 情人節禮物
好中意心形鏈咀啊~好靚啊!!!


還有個男朋友DIY的咀咀公仔,
轉轉個木柄他們就會咀咀lu~卡娃依!!!
好有心思啊~


仲有細佬送的ZOE's birthday cake
仲有我個名tim, 味道好正, 清新檸檬味,
平時生日牌會太甜唔想食, 這個就無這個反應, 我食晒整個生日牌啊!!!


細佬仲買多左件小蛋糕給我明天吃tim, 好開心啊!!!!


今年生日就算不是在K房一大班人過仍然開心, 仲多了點浪漫tim!!

我為了謝謝男朋友的愛我將我們的情人節剪輯了段video


情人節我很快樂!!

沒有留言:

張貼留言