2011年1月26日 星期三

日式甜點~堅好味!! 瀰月屋



今天好開心參加了不眠王子的【5週年 真Sweet 8味宴】
為何是最後一次?
因為瀰月屋老闆是不會再舉辦包場了!!
所以我是很期待的~
之前已經看過
不眠王子的介紹,
我出發前再上網search了一番, 好評如潮啊!!!

"瀰月屋" 位於天后清風街15號


店裡佈置成70年代日本家庭中的小廳模樣
有榻榻米、70年代的擺設, 真的令我感覺好新鮮,
點講我都是80後嘛~哈哈!!


嘩~好耐無見過轉轉電話啦!!
除了榻榻米, 都有木椅, 連座椅都有特色!!


在70年代中都有現代化的器材, 哈哈!!
都只係1個電腦je~
店內會掛住油臘紙餐牌, 撕下1張就OK喇!!
餐牌會因應季節時令而改動架!! 所以大家要睇清楚啊!!


開始宴會了~
真Sweet 8 味 :
1. 瓊脂
2. 車厘子爽涼
3. 蘋果批
4. 葛軟滋 【粉紅色之草莓味‧特製】
5. 燒丸子
6. 雲米花(爆谷)【不眠王宮 5週年 特別七彩限定色】
7. 泡啤啤
8. 秘之和菓 - 不眠月兔【不眠王宮 5週年 只此一日特別限定非賣品】


雲米花(爆谷)($20) 原味、綠茶、海苔、咖喱及黑糖


我最中意黑糖味, 甜甜的, 平時共有1種味架咋,
今次係老闆特別安排啊~
海苔味 & 咖喱好特別, 綠茶就較其他味遜色了!!


之後就有好精細的餐具,
叉大家都知點樣用, 但隔離的是什麼呢?
其實它是1個小匙, 用來"筆"粉類的, 就好似以下介紹的甜品, 就要用到它!!


葛軟滋 【粉紅色之草莓味‧特製】($38) x 抹茶粉


就是用小匙"筆"抹茶粉撒上葛軟滋,
草莓味葛軟滋好清甜啊~
單食可以, mix抹茶粉食都可以, 我中意mix抹茶粉多d,
所以我撒了很多~呵呵!!


食野邊度會少得飲呢~先來啤啤佢!!
泡啤啤($22) 唔係啤酒, 只是貌似而已, 其實是蘋果梳打!!


倒出來真的是好多泡泡的, 好似啤酒的, 所以唔好倒滿啊~
飲到醉醉地tim~呵呵!! 乾杯!!


車厘子爽涼($34) Menu是無的!!!! 只有今天, 用上原粒車厘子,
再用新鮮車厘子汁做果凍杯, 外層就是這樣來的!!
我拿起車厘子的莖就整粒放入口了(完全不顧儀態...)
口裡有軟軟的果凍感覺, 亦有硬一點的車厘子,
感覺特別且味道清甜, 不會膩!!


燒丸子 ($28) 一人一串, 燒丸子外層微微焦香, 好煙韌,
是配合紅豆及芝麻蓉蘸食的, 之後還可以蘸小許黑白芝麻粒tim,
我覺得蘸芝麻蓉x黑白芝麻粒好味D
不過食完一串真係幾飽!!


蘋果批 ($38) 店裡的皇牌
用原個蘋果製作, 去核後再釀上吉士焗製而成,
真係堅好味!! 外層少許脆脆的酥皮,
微酸的蘋果配以甜的吉士, 真的美味!!


瓊脂($38)以海藻經過特別處理而成,
配上抹茶及柚子蜜汁蘸, 是一項要親力親為才食到的甜點!!


先將瓊脂放入木盒, 再用棒棒壓成條狀~
真係要用"力"的, 正所謂 "親力親為"!!


最近就是秘之和菓 - 不眠月兔係只此一天的特別限定非賣品,
大家看著它真的美到唔捨得食, 都是草莓味的!!
不過較薄, 內裡有一點點的, 應該是草莓粒吧, 同樣好清甜美味!!


老闆為今次的真Sweet8味宴花了整晚通宵製作, 辛苦晒!!
今天真的好滿足!!!

最後還得到
不眠王子送出phunk Studio手挽袋 & 草間彌生2011年年曆
手挽袋還有毛毛球細袋仔裝著, 好得意啊!!


今天真的謝謝
不眠王子 & 瀰月屋帶給我sweet的一個下午

沒有留言:

張貼留言