2010年1月26日 星期二

健康早餐大排檔都有?

早餐去大排檔食?悠閒咁坐係茶檔拎住報紙食早餐?
對於懶訓的上班一族黎講, 簡直係天方夜譚!!!
每朝邊行邊食?
咁樣對腸胃唔好架, 又不利消化&吸收
每朝都係外賣?食公仔麵?食面包?食煎雞扒'豬扒'牛扒?油炸鬼?炸兩?炒面?
樣樣都係多油, 重澱粉質, 高熱量, 最多每星期食1次好喇!!!!
無得係排檔食唔緊要, 最緊要係食得健康je~
Right?
亦都些人趕到連早餐都唔食..........
研究指出, 健康早餐是維持人體健康及正常運作不可缺少的一環!!
所以首先要話俾大家知"唔食"早餐既壞處先(嚇嚇D唔食早餐既人)

低血糖反應 - 訓左1晚, 起身既時候血糖濃度會處於偏低狀態, 如果唔食早餐, 血糖就會繼續下降, 有好多人就係因為咁所以四肢無力而暈倒, 而且有好多覺得自己肥胖既人會覺得唔食早餐可以減肥, 其實不但減唔到仲會面色蒼白, 精神不振, 而且長期係咁會誘發血糖代謝紊亂, 影響健康.

肥胖 - 如果你的減肥Plan係唔食早餐既話, 你的減肥Plan一定幫唔到你健康減肥, 因為唔食早餐好多時未到lunch hr就已經肚餓, 因此到左lunch hr就會大食, 加上強烈既食慾+心急進食, 極易將吸收的食物轉化成脂肪儲存起來(只會愈來愈接近肥胖)

記憶力下降 - 大腦的能量來源於葡萄糖, 而葡萄糖只能聚集係肝 & 腎臟, 而且只能貯存8小時(得8hrs咋, 訓醒都差唔多喇!)所以唔食早餐, 大腦會因為能量不足引起記憶力衰退(係都唔想咁快有老人痴呆架?)

營養不良 - 早晨係身體吸收營養既最佳時段, 錯過左好容易導致營養不良. 最終導致身體抵抗力下降, 易患感冒,心血管疾病等的風險大大增加(......)

胃炎, 胃潰瘍 - 長時間處於饑餓狀態, 會使胃酸過多, 破壞胃腸粘膜(驚未?肯食早餐未?)

膽結石 - 早晨空肚時, 體內膽汁中膽固醇的飽和度較高, 食早餐有幫膽囊中的膽汁排出, 反之容易使膽汁中的膽固醇析出而產生結石, 有調查指出患膽結石者與長期不食早餐有關(收到未呀?快d食早餐喇!!!)

收到晒健康訊息喇~你知要點做喇!!!!
食早餐喇~做個健康快活人

咁點先係"健康早餐"呢?

我係1個食早餐既人, 不過早晨真係食唔得多, 而且時間唔多,
對於我黎講最緊要係平, 快, 正!!!!!!!
現在就分享我的平, 快, 正"健康早餐" - 燕麥片(不過係即沖,上班一族嘛!!!!)

我試過呢2款
雀巢 - 牛奶配方麥片
大排檔 - 豆漿燕麥片

價錢(一定係特價時買, 因我很窮...):
雀巢 - 特價$14.8/8包, 平均$1.85/包
大排檔 - 特價$15.9/6包, 平均$2.65/包
其實2款都唔算貴, 點都平過你買1個包呀, 係咪先?

分量:
(用呢隻杯做標準~)

(左)雀巢 - 256g/8包, 32g/包
(右)大排檔 - 228/6包, 38g/包
大排檔每包分量多D, 而且燕麥片較多, 雀巢粉多過燕麥片, 沖後雀巢只有小半杯, 而大排檔多於半杯~

味道:
雀巢 - 略甜
大排檔 - 淡, 不過未至於淡而無味

質地 & 口感:

(左)雀巢 - 似稀糊仔
(右)大排檔 - 較杰身, 可以食到有燕麥片
食大排檔既飽肚感多D, 糊仔我不太喜歡!!

我最後係揀左大排檔 - 豆漿燕麥片成為我的"健康早餐"

沖完既分量多D, 又飽肚D, 又無咁甜~
健康早餐大排檔都有? 有大排檔 - 豆漿燕麥片

中意我的介紹既話~識做喇!!!!!

你揀好左你的"健康早餐"未呀?
話我知你的"健康早餐"係咩呀?
俾多D選擇我呀!!

沒有留言:

張貼留言