2010年1月25日 星期一

不過不失 - 秋田犬八千

秋田犬八千 (Hachiko: A Dog's Story)

改編自家傳戶曉的日本電影《八千犬物語》的《秋田犬八千》是一個關於一隻忠心耿耿的秋田犬「八千」的感人故事。

忠犬「八千」每天清晨都陪伴主人-大學教授柏加 (李察基爾飾)到火車站送他上班,又日復一日的於下午在車站迎侯主人下班回家。不過,「八千」規律的生活卻因為教授的突然離去而改寫過來。忠心耿耿的「八千」堅守本分,風雨不改的按時於車站等著教授回家,體現了愛與忠誠的力量。

評語 :
呢套戲有3個搞笑位架
1)教授諗住將「八千」寄放係書店老闆娘直至有人認領, 老闆娘都好中意「八千」都諗住養, 點知老闆娘興高采烈地問她的貓貓時...貓貓一手打落「八千」個頭。(貓貓真係高"鬥"~哈哈!!!)
就係呢1幕!!!!!!
2)教授想教「八千」執波, 點知拋極波「八千」都唔去執波, 最終教授竟然決定身教, 教授拋波出去, 爬去個波度, 咬返個波, 爬返去「八千」身邊。(真係有幾多個主人會咁做呢?)
3)就係臭鼬鼠有日教授收工唔見「八千」係車站等佢, 覺得好奇怪, 周圍搵「八千」, 原來「八千」被困車房, 原因係臭鼬鼠係正車房門口。教授諗住救「八千」就用個紙盒蓋住隻臭鼬鼠, 點知叉錯腳, 臭鼬鼠即噴...哈哈

今次入場前帶定紙巾, 諗住喊1場, 點知睇完都無喊過
有個位有反應, 不過情節既問題, 湧左1下就無左喇!!
反而男朋友滴左3次 - 第1次係教授死後車長同「八千」講的說話, 第2次係日本教授同「八千」講的說話, 第3次係教授老婆9年後同「八千」講的說話。

今次無乜驚喜, 講教授同「八千」相處少左d, 因為1開頭「八千」好快已經係車站等教授。

沒有留言:

張貼留言