2009年6月28日 星期日

我的森林家族

我的森林家族
我記得應該係2年前陳生送給我的生日禮物吧^o^
放左好耐, 玩左幾次喇!!
點講我都仲係一個小女孩~哈哈
到依家我都仲係好中意森林家族


8名成員

再次攞返出黎, 依然好多謝陳生

2009年6月27日 星期六

Sephora彩妝中的變形金鋼

前幾天受kaka blog既影響
我認識了Sephora呢個牌子, 而且好想買佢所講既彩妝中的變形金鋼!!!!
不過只有MK先有=.="我實在好好好好少去MK!!!
地址: 九龍旺角西洋菜南街,荷李活商業中心(地鐵旺角站E出口,百老匯戲院對面)
呢個就係鋪面喇~
不過我實在太想買彩妝中的變形金鋼喇!!!!所以今日做完facial就by bus去MK喇^o^
小妹真係受不了誘惑
去到Sephora好多牌子既野呀!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
不過首先就係搵左彩妝中的變形金鋼先^o^
行左一個圈我終於搵到喇~then搵左個ba問下野!!
試左一輪, 眼影好閃架!!very summer
唇膏d色都幾實, 由淺至深都有, 可以試不同既妝喇^^
胭脂都幾上色, 咁未即係有排用^o^有d色仲可以用黎打陰影tim
試得好開心呀!!!!so就同ba話要喇!!

未折盒既時候.................................

打開佢之前20色眼影 & 24色唇膏 & 5色胭脂 & 2支眼影掃 &1支胭脂掃 & 2支唇掃

睇到蓋既上半係"鏡"黎架!!呢個就係佢地裝置喇!!!下推上拉!!!

ba仲介紹左個礦物&100%防敏感為賣點既化妝品比我tim(不過我唔記得左叫咩名.....)
不過佢既礦物&100%防敏感實在太吸引!!(因我皮膚係敏感性)
so我都試左礦物粉底上手, 雖然佢係粉狀(好似美寶蓮咁)
不過唔乾wor~而且個veido話係No 1 in UK架!!!
不過小妹不久前已經買左Lancome呢隻正粉底, so等我用晒Lancome我就試下呢隻喇!!
礦物&100%防敏感實在太吸引!!
買野就可以join member喇~咁我就緊係填左先喇!!因為member有3年有效期嘛!!我會多d出黎買野架喇^o^
到俾錢既時候個ba話買2樣野就有sample送, then佢就sales我支$59既卸妝喇!!佢話防水既睫毛液都卸到, 而我支卸睫毛液既美寶蓮又就黎用完, price又唔係貴, so買埋!!下次化妝試下, 睇下佢係唔係真係work先!!
今日既戰利品

佢所送既sample

2009年6月17日 星期三

第10次facial

第10次facial
上次老闆娘話俾我試下Physiodermie既peeling
so今次做facial佢就幫我用peeling喇, 仲教埋我點用!!!
成程都俾塊鏡我拎住, 自己睇住!!
首先搽上面先, 原來用既分量唔係好多
薄薄咁搽一層, 仲可以搽埋眼同嘴tim, 開頭係見到有d粒子亦都feel到既,
不過過左一陣就已經唔見晒喇!!
而且唔係好覺搽左野(不過真係搽左架)
then等左5分鐘左右就開始"卒"喇
開頭以為會好大力喇~
點知.............佢用隻手向上掃掃下就掃左好多污垢出黎喇
因小妹額頭既角質層比較厚, so佢"卒"完個效果最明顯
睇落係白左好多^o^
係佢未用濕左既化妝棉之前我摸過塊面
塊面好滑, 仲唔乾tim, 個感覺仲好保濕咁囉
做完facial, 係呢3次做完facial都唔係好紅!!
呢樣係我最開心的!!
呢個就係個peeling既sample, 老闆娘話我面細可以用到2次
(呢個就係面細既好處, 一樣份量既野, 用既時間我可以用得較長時間!!呵呵)

http://www.physiodermieasia.com.tw/01biopeeling.htm
功  效 :
採用酵素代謝法, 促進老廢角質新陳代謝, 提升肌膚的更新能量, 預防細紋可使後續保養吸收快速, 令肌膚由內而外重現柔嫩細緻.
主要成份: 植物萃取精華
MEIMA三重載體包覆元素: 甘油、竹醡液、棕櫚酸辛酯
適 用 對 象
各階段年齡,各式膚質皆適用乾燥、敏感性膚質也可使用.
* 眼部四周 纖嫩部位亦可使用.
使用方式 :
可單獨使用或搭配菲絲朵莉精華液系列

一起使用, 每周二至三次,取適量塗抹於臉頸部, 注意不必搓揉只需靜待15至20分鐘後, 用指腹順時鐘方向輕柔拭去, 清除完後再取乾淨化妝棉沾取菲絲朵莉爽膚水, 將臉頸部再次做全面擦拭後, 接續完成保養程序.
下次用既時候, 小妹會影低再post blog^o^
老闆娘有新既宣傳單張~
睇下sis有無用喇~~~

2009年6月14日 星期日

Lancome Maquiliquide UV Infinite 粉底液

Lancome Maquiliquide UV Infinite 粉底液

09最新Lancome Maquiliquid UV Infinite FoundationUV持久無瑕粉底液 升級版,將本身出名的抗水抗汗控油能力再升級,能維持一整天不脫妝,不暗沉,輕易打造霧面感,極適合春夏使用,水感質地,一整天不乾燥,不起紋,妝容貼薄卻能有效遮蓋毛孔瑕疵,兼有SPF20/PA++防曬,更有效保護皮膚
超抗汗 極輕盈
無與倫比的服貼透亮

- 超持久、超抗汗
突破「Aquafix輕勻抗汗科技」—— 有效解決流汗、出油以及亞洲氣候潮濕所造成的脫妝問題,維持妝容一整天的粉嫩透亮,持久不脫妝。
- 極輕盈、極薄透
專利「輕盈水感質地」—— 極致薄透的水感質地,表現完美遮瑕效果,更能展現透亮自然膚色,輕鬆推勻,超輕透。
- 更服帖、更透亮
首創「植物精粹吻肌配方」—— 100%舒適服帖的粉底液,讓肌膚紋理變得更加光滑細緻,妝容更添完美透亮。

小妹買左BO-015 $280.-
我用左3日先買架!!因為小妹太敏感......so買搽上面既野一家要謹慎!!
第1日放工之後去sogo試色&叫ba幫我試上面(仲幫我試左半面tim好好人呀)&教我點上粉, 過左35分鐘返到home, 仲出左汗tim, 不過都仲係好爽好貼好薄, 唔會因為汗而浮粉, 真係幾好!!不過我都係驚會敏感, so我等到10點半先卸妝!!


第2日就係觀察日

第3日見無事就去左cwb連卡佛買喇個ba好好人咁幫我試下色, 試左020 & 015, 不過我覺得2隻個色唔係好大分別(可能唔係大範圍試呱), 咁我就梗係買015喇, 因為第1日係試左半面覺得個色都ok!!ba話新member有sample送, 送左抗敏保濕精華Hydra Zen Neurocalm 5ml(我試過真係唔會敏感)

咁過左幾日有街出就用喇, 點知...點解白左咁多架=.="唔係好岩色, 我就發覺自己犯左個嚴重錯誤就係一泵左落手指就就咁搽上面, SO出現白左好多&好厚粉既情況@而且仲淨左好多粉底液係手tim, 好浪費呀>o<

再第2次用就醒目好多喇
1)泵半下先, 唔夠再泵多少少
2)泵係手背, 再推開, then用手指印上面, 先再推勻
今次成功左喇!!又薄又貼又爽身而且唔會太白!!!!
成日都無乜脫妝, 出汗用紙巾印走既時候都無印到粉, 而且過左幾個鐘d色仲愈睇愈自然!!好靚哦!!

Lancome Maquiliquid UV Infinite FoundationUV
1)薄、貼、爽
2)超防汗
3)遮暇度唔夠好(如果印比較深既sis最好上完粉都係加返自己既遮暇, 小妹印就淡d, so就輕輕印多一層係d印上面就ok喇)
4)$280.-唔算貴, 有呢個效果真係幾好!!

第9次facial喇^o^

9facial

皮膚望落真係無咁暗, 應該係因為角質層無以前咁厚喇!!佢地幫我做既時候仲話我d皮膚乾淨左好多tim~好開心呀(皮膚有效果, 支去印血清又去到印, 又出少左暗蒼)
依家真係素顏返工都唔怕, 不過出街就梗係要化妝喇, 要影相架嘛

做多幾次再報告進展

6月上半個月買既野^o^

係6月真係買左幾多野^o^好開心!!
續一介紹比係地知...哈哈


1)米白色通花粉藍層層麻棉DEEP V連身裙,係網度睇到就好想買喇!!
仲要等7日先有tim>o< 不過都抵既!!因為男朋友話好睇, 只係短左少少^o^, so要係度提醒超過160cm高既sis就唔好買喇!!因為實在比較短...



2)泰國NaRaYa 蝴蝶袋  NCN52DA L size
小妹係飛女叮既blog睇到佢去工作時影既相見到的!!
一見到就好鍾意~就去左網上搵喇!!終於比我搵到間較平&即日可以交收既!!我真係好想summer就可以用到^o^
呢個袋好實用可以上膊, 可以擺到飯盒, 又唔會太大, 又夠高, 總之夠大又不失可愛!!



3)IPSA碎粉樸
因為小妹好懶洗樸, so多數都係買個新既就算(其實掃都係一樣...懶!!)
我最鍾意就係IPSA既碎粉樸, 真係好柔軟, 好舒服!!
碎粉樸首選IPSA $40.-only


4)眉筆
this product我仲係試驗中...
係cwb銀座買的, 好平$15.-so就試下喇!!
係啡色的, 另一邊係眉掃!!
第一次用眉筆, 小妹仲練習緊............希望成功!!!

5)Schick Intuition脫毛毛的
小妹用左好耐架喇, 因為未夠錢做脫毛, so就要搵d便宜既脫毛工具
呢個係替換裝, 第一次買既時候係要買埋個手柄的!!this product又方便又平又唔會括到肉^^



6)ZINO增長睫毛精華
this product我都仲係試驗中...岩岩買返黎2日咋!!
因為玩厭左植眼睫毛so拆左lu!!!
而且係be網睇到sis有介紹過ZINO增長睫毛精華, 而且反應幾好!!
咁就順便買黎玩下喇!!
p.s.拆假眼睫毛用左差不多半個鐘...拆完唔覺得本身d眼睫毛少左, 同之前差不多之嘛!!不過就唔係慣拆左之後既eye!!


7)Physiodermie Eye Contour Gel 30ml
功  效 :
喚醒並緊實眼周肌膚, 使眼周肌膚恢復緊緻, 補充眼周肌膚水分與養分, 預防皺紋及眼部暗沉, 吸收快速滋潤無油膩感, 減退眼部水腫充血、眼袋及黑眼圈

主要成份: 植物萃取精華
MEIMA三重載體包覆元素:
玫瑰果實精華、磷脂、山毛櫸精華、西洋蓍精華、樺樹精華、假樹葉精華

適 用 對 象
所有膚質及所有年齡

之前老闆娘比過sample我試, 一試香味正呀!!!!!!!!!!!!!!!!!質地好快吸收!!!佢唔係好杰既gel, 係有d似水的gel!! 買之前仲上網睇過, 知道係貴...不過我都好想買!!



8)去印精$88.-
用完一支真係覺得d印淡左好多, 所以繼續用, 依家素顏都敢出街^o^



9)指甲油&貼紙
做完facial諗住返到home無野做就自己收收甲又想整d石wor~~~咁就去左colour買左一堆野喇!!d貼紙就貴喇...不過甲油就平喇^o^ $18/3支, 埋單$109.-
甲油(由左至右): 肉色(唔想咁明顯就搽呢隻色最好), 鮮桃紅(夜晚去玩好正), 幻彩淡紫(用黎做底色最好,再貼貼紙)
經過2個幾鐘, 手同腳指都搞掂好晒^o^
(腳有出界, 唔好見怪!!因為我係第4次整架咋...仲未成熟^^)
終於打完喇打左成個幾鐘!!哈哈!!

2009年6月1日 星期一

植眼睫毛^o^

29 May 2009
因約左朋友20:30食飯, 18:00放工後就去左行街街!!!
行到銀座商埸時就諗起我之前搵到間$180.-植眼睫毛既鋪頭!!
本身就諗住攞張宣傳紙, 之後call去book時間既!!
點知岩岩個0個時間竟然一個客都無wor!!!
咁我就問佢要整幾耐架?佢就話35-45分鐘!!
而0個時只係7點幾(其實我都唔係好知幾點, 因為無睇時間)!!
我就膽粗粗入去整喇~~
咁佢就問我想點整, 自然d?誇張d?密d?
咁我就話好似你個隻咁, 不過就唔駛咁長!!
咁佢就幫我choose左M size(長度)既幫我植!!
整既時候會feel到小小熱!!
差不多成程都係閉起雙眼的!!
我感覺上認為佢都幾快手!!
整好晒就要用風扇吹返幾個字!!
咁就可以走人喇!!
個晚係有少少唔舒服...
第2日都係有少少吉吉地既感覺!!
不過第3日就ok喇^o^唔覺得有咩感覺lu!!
不過有3點要注意既 :
1 整完24小時唔可以濕水
2 整完一定用洗面樸洗眼, 避免佢濕到水
3 盡量唔好搞到佢地
下面就係植完第3日既圖有同事話我染完頭, 植埋眼睫毛, 好似公仔wor